اليوم هو يوم الأثنين الساعة الان حاليا هي 3:14مساءً تاريخ 21‏/2014/04 من شهر أبريل

اكل دايت

اكل دايت

كل مره اقول خلاص بكره رح ابدا

وخلاص بمسك على هذا الريجيم

اتذكرت قبل سنتين تقريبا اني كنت مسويه ريجيم ولا اروع

كنت امشي على قاعدة دايت سنتر يعني اكل مرتب ومعتدل خالي من الدهون والسكريات

والله يابنات انه نحفني فوق ماتتصوروا نقصت ايامها 25 كيلو خلال 3 شهور ونص

لاتقولوا مده والله العظيم الايام تجري جري غير كذا الحلو في هذا الريجيم انه مايتعب ولا يجوع

رح اكون متابعه معاكم وحده بوحده

ريجيمي عباره عن فطور وغدا وعشا

له قواعد بسيطه

*ابدئي يومك بكوب كبير مويه بس ماتكون بارده

*افطري فطور ملك واتغدي غدا ويز واتعشي عشا فقير اكل دايت  اكل دايت

*مشي او حركه لمده نص ساعه على الاقل في اليوم

* اذا نفسك في اكله وخلاص اذا ما اكلتي من هالاكله رح تتجنني كلي منها مقدار ملعقه الى ملعقتين بس
لاتزيدي عشان نفسك ماتحس انه انتي محرومه

رح احط النظام بعد كذا الاكلات المقترحه واللي عندها اكلات تحطرها عشان انا كما استفيد اني ماشيه عليه

بالصور اكل دايت 8 اكل دايت

الاشياء اللي استخدمها بشكل مستمر

* حليب قليل الدسم عادي وبوني للشاي

* سكر تروبيكانا (النشا )

* عصيرات خاليه من السكر اما طازج من البيت برتقال او اشتري عصير المراعي تفاح اخضر او سيزر تفاح او اناناس
واحيانا دايت سفن بس يكون ناادرا

* خبز الحميه والريجيم من سوبر ماركت الهايبر وغيره خذي الاسمر هو الافضل

*طبعا الخضار بانواعها عدا البطاطس والفواكه بانواعها عدا المنجا والعنب والزبيب والتين والتمر لكن مو مره احرم نفسي منها مايخالف لو اكل في الاسبوع مرتين بكميه قليله مره

*استخدم زيت السمسم وزيت الزيتون الاصلي مو اللي من البقاله
زيت السمسم لبعض الطبخات احيانا احطه في قاروره حق الشطه تكون فارغه عشان اقدر اتحكم في الكميه وانا بس احط نقطتين او ثلاث واوزعها في القدر او الطاوه عشان ميلتصق الاكل فيه

* في اليوم مسموح بالرز من 6 الى 8 ملاعق اكل او مكرونه نفس الكميه او حبتين بطاطس مسلوقه او خبز بس يكون اسمر سواءالصامولي او العادي لكن بدون دهون

*مسموح بشرب شاهي بالحليب في اي وقت او قهوه بالحليب او اي مشرب لكن بشرط يكون بسكر الريجيم وحليب قليل الدسم

*اكل السلطات والفواكه في وقت مسمووح

* استخدم جبنه شرائح قليلة الدسم وجبنه بيضا

رشاقه بدون تعب ...سلسله اكلات الدايت

وبالنسبه للنظام

الفطور :
* عصير او شاي او قهوه بالحليب او بدون او نعناع لكي الحريه

*خبز الحميه او نص رغيف اسمر محمص

* 3 ملاعق فول او 3 ملاعق حمص او بيض مسلوق او كورن فليكس خالي تبع الرشاقه مع حليب قليل ا لدسم

او شابورة الحميه لكي الحريه
او او او اقترحي انتي من المسموحات

والخضار حطي اللي تحبيه
خس طماطم ليمون كل اللي نفسك فيه ورح احط اقتراحات للفطور بس بعد ما اكتب النظام

الغداء

6 الى 8 ملاعق رز بدون دهون او 6 ملاعق مركونه او حبتين بطاطس مسلوقه
لحم او دجاج او سمك او بيض مشوي او مسلوق او ايدام بدون دهن او صلصه طماطم

ممكن تعملي ساندوتش بعيش النخاله صامولي او شامي يكون ساندوتش دايت ورح احط برضه اقتراحات للغدا

سلطه حطي كل اللي تحبيه من خضار فيها

عصير

العشا

* كوب حليب مع شابوره

او تفاح او لبن زبادي تحطي معه خيار او باي طريقه تاكليه

او تاخذي شريحه من خبز الحميه صغير مع جبنه قليلة الدسم شارئح مع عصير
بس حاولي العشا يكون خفيف قد متقدري

رشاقه بدون تعب ...سلسله اكلات الدايت

اقتراحات الفطور

طبعا انا عشان ما احس بملل من الاكل احاول اسوي اكلات من راسي وانا بعطيكي افكار وانتي ممكن تتبدعي عاد

* بالنسبه للحمص ممكن تاكليه عادي وممكن تقطعي عليه طماطم وكزبره وبصل احجام صغيره وتاكليه

* حتى الفول نفس الفكره بس تظيفي الشطه معاه

* بيض عيون وطريقته:
حبه بيض _حبه طماطم صغيره او وسط _حبه فلفل
احط شي بسييط من زيت السمسم على الطاوه ولو حسيت اني رح اكثر ادهن الطاوه بمنديل وارمي المنديل عشان بقايا الزيت تروح
احط الطاوه ع الار واقطه طماطم شرائح مع فلفل اخضر شرائح ورصها ع الطاوه الين تتحمر ارش فلفل اسود وكمون ومل واقلبها بس ما اعلي النار مره بعد ما اقلبها احط البيضه وارش ملح وبهارات اللي احب واغطي الطاوره على نار مرره هادئه الين يستوي ممكن تحطيله لو مليتي شريحة جبنه وهو حار رح تذوب عليها وتاكلها مره جنان

طريقه ثانيه للبيض :حبه بيض احط معاها ففلفل اخضر مطحون وكراث احيانا وطماطم صغاار مقطع وتوابل ادهن الطاوه بنفس الطريقه اللي قلتلكم عليها
واحط البيض واوزعه على الطاوه واعمل فيه ساندوتش بعيش الحميه

طماطم مكشنه :نفس طريقة الطماطم العاديه لكن بنقطه زيت وبدون ماجي

ممكن تعملي في الطاطم هذي بيتزا كذابه

توزعيها على خبز لبناني او خبز حميه وترشي الفلفل رومي والزيتون والبصل وجبنه شرايح او بيضا قيلة الدسم وتحطيها شوي في الفرن

تاكليها مقرمشه وتنسي انك مسويه دايت

*وبخبز الحميه ممكن تستخدمي جبنه شرايح قليلة الدسم مع زعتر وتلفيها وتسخنيها

عاد انتوا اكيد فهمتوا الطريقه طبخ كل مالذ وطاب ولكن على طريقة الدايت وومانكثر بروتينات

اللي عندهاطرق في بالها تقول انا لو عندي اقتراحات ثانيه رح احط

انا دحينه بروح افطر واكمل اهم الاقتراحات وهي اكلات الغدا

 

رشاقه بدون تعب ...سلسله اكلات الدايت