اليوم هو الثلاثاء الساعة 9:06 م تاريخ 1 سبتمبر 2015

فراخ مشويه بالفرن

فراخ مشويه بالفرن

صورة فراخ مشويه بالفرن

المقادير:

1 فرخه 4 قطع)
1 بصله كبيرة
ملح-فلفل-زعتر ناشف-بهارات فراخ”جاهزه عند العطار”-روز مارى او بيسموه اكليل الجبل”من عند العطاربرضه”-واخيرا وليس اخرا ورق لورى

الطريقه:

1-بتاخدى الفرخه وتقطعيها 4 قطع وتغسليها كويس بماء ودقيق وبعدين تحطي الفراخ في مصفاه وتسيبيها تنزل المايه
2-تقطعى البصل ترنشات صغيرة وتحطى عليها الملح والفلفل والزعتر وبهارات الفراخ والروز مارى وتدعكيهم بايدك خمس دقايق والدعك هو سر الوصفه))
3-تجيبى قطع الفراخ وتحشيها يالبصل من تحت الجلد وتحطى بصل من فوقها وتحتها
4-تحضرى قطعه فويل”ورق قصدير او الومنيوم” وتحطى عليها شويه بصل من بتاعنا المتبل وحوالى 4 ورقات من ورق اللورى وبعدين تحطى عليها الفراخ وتقفلى ورق الفويل باحكام
5-تدخليها الفرن “متوسط الحراره على الرف اللي في النص وتسبيها حوالى ساعه الا ربع
6-بعد مرور الوقت تفتحى ورق الفويل وتشغلى الشوايه عشان تحمر الوش
7-اما الخطوه الاخيره انك تجيبى قطعه صغيرة من ورق الفويل وتحطى عليها شويه زيت صغيرين وتغمسى فيها قطعه فحم ساخنه وتحطيها بين قطع الفراخ وتقفلى على الفراخ كويس جدا بورق الويل عشان تاخد الطعم
وبس كده…… بس انتي ممكن كمان تقطعى تحت الفراخ بطاطس بتكون جميله برضه

  • كيفية عمل فراخ مشوية بالفرن
457 مشاهدة

فراخ مشويه بالفرن

1

صورة فستان قصير للحفلات

فستان قصير للحفلات

صور فساتين سهره ازياء صيفيه ازياء حديثه ازياء جديده اجمل فساتين سهرة اجمل الازياء للسهرات ...