الثلاثاء , سبتمبر 2 2014

كعك ناعم

 

الكعك المصري بالعجمية
كعك ناعم  كعك ناعم

مقادير العجمية
1 كوب عسل نحل
1ملعقه كبيرة سمن
2 ملعقة كبيرة سمسم
2 ملعقة كبيرة من الدقيق
الطريقة
- سخني السمن في مقلاة ثم ضعي الدقيق، وقلبيه إلى أن يصفر ثم أضيفي له السمسم .
- قلبيه ثم ابعدي المقلاة عن النار.
- أضيفي العسل تدريجياً مع التقليب المستمر بسرعة ثم ضعيه على النار مع التقليب إلى أن يغلى وتتكون عجينة طرية متماسكة ، ثم ضعي ريحة الكعك وأي نوع من المكسرات ثم اتركيه حتى يبرد .
- شكلي العجمية على هيئة كور في حجم البندقة بقشرتها ، واحتفظي بها لحين الحشو بها.
مقادير الكعك
1 كيلو دقيق
1/2 كيلو سمن
1 كوب أو كوب ونصف ماء دافئ للعجن
قطعة خميرة بيرة في حجم عين الجمل
ذرة ملح
2 معلقة رائحة كحك
سمسم
معلقة سكر
الطريقة
- انخلي الدقيق في طبق عميق للعجن.
- اصنعي حفره في المنتصف وضعي فيها السمسم .
- اقدحي السمن علي النار جيداً .
- ضعيها على السمسم وقلبيها بملعقة خشب أو بالمقصوصة .
- عندما تهدأ حرارة السمن افركي خليط الكعك بين يديكِ جيداً، حتي ينعم ويتشبع بالسمنة.
- ضعي الخميرة في ملعقة صغيرة سكر مع الماء الدافئ.
- بعد أن تعلو وترتفع الخميرة ، اعجني بها الكعك ثم غطه حوالي ساعة ليخمر .
- شكلي الكعك كور صغيرة واحشها إما بالعجمية أو الملبن أو أي نوع مكسرات مفضل لكِ ، أو حتي بدون حشو.
- انقشي الكعك الآن بالمنقاش أو ضعيه في القوالب الخاصة به .
- أدخليه الفرن وعندما يبرد رشي عليه السكر البودر

كعك التمر

أوزان بالمعلقة والكوب
10 جرام ملح = معلقة شاى
5 جرام سكر = معلقة شاى
20 جرام سكر = معلقة حلو
20 جرام دقيق = معلقة حلو
37 جرام سكر = ملعقة كبيرة
37 جرام دقيق = ملعقة كبيرة
37 جرام زبدة = ملعقة كبيرة
120 جرام دقيق = فنجان شاى او كوب ماء
150 جرام سكر بودرة = فنجان شاى او كوب ماء
200 جرام سكر سنترفيش= فنجان شاى او كوب ماء
225 جرام ارز= فنجان شاى او كوب ماء
80 جرام جوز هند مبشور= فنجان شاى او كوب ماء
150 جرام زبيب= فنجان شاى او كوب ماء
125 جرام بندق او فول سودانى= فنجان شاى او كوب ماء
200 جرام زبدة= فنجان شاى او كوب ماء
225 جرام سمن او زيت = فنجان شاى او كوب ماء
عند استعمال الملعقة تكون ممسوحة
عند استعمال الكوب او فنجان الشاى تكون مش مكبوسة وتكون مسطحة
ملحوظة بالنسبة للكحك
1-عشان الكعك يكون ناعم لا زم نبسه كويس قوى وماء العجن مايكونش كتير لأن المياة الزائدة هى اللى بتنشفة و فية ناس كتير فاهمة العكس
ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.
2- ابقى حطى السمسم ابيض ورشية على وش الدقيق فلما تيجى
تصبى السمن المقدوح قوى حينزل على السمسم يحمصة.
3- لما تخلصى الكحك وتحطية فى الصاجات علشان يخمر
لما تلاقى الكحكة نشفت تعرفى انها خمرت .
4- ماتتقيديش بمقدار الدقيق اللى مكتوب لان نوعه بيختلف
من دقيق للتانى يعنى ممكن ماتستعمليش الكمية المكتوبة كلها
وممكن تحتاجى تضيفى دقيق تانى
5-بنستخدم لكل كيلو دقيق علية كوب ماء او كوب ونص ماء
لحد ماتلاقى العجينة طرية واتلمت .
6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى ايدك بالنقشة لفوق علشان السكر البودرة يبقى ثابت جوة النقشة
7- بنستخدم ملعقة خميرة فورية لكل 4 كوب سميد.
طريقة استخدام الخميرة بيرة
فى كوب اضع ملعقة صغيرة خميرة بيرة وقليل من السكر وادوبها بالملعقة الاول ثم اضع كوب ماء دافىء .
ملحوظة بالنسبة للغريبه
1-عجينة الغريبة لازم تاخد دعك جامد
2-كل ماتدعك كويس بتطرىوماتظهرش فيها التشققات بعد السوى
3-اذا ذاد السكر فى عجينة الغريبة بتنشف الغريبة علشان كدة بنقلل السكر شوية فى العجينة ولما بتخرج من الفرن وهى ساخنة بنرش عليها بسرعة بالمنخل
ملحوظة بالنسبة للبتيفور
1- اذا كنتى عاوزة البتيفور ناعم قوى اعملية بصفار البيض فقط
2- فى عمل البتيفور لاتدهن الصينية بالسمن
3- لو أردنا عمل بيتي فور بالكاكاو نضيف للدقيق2 ملعقة كاكاو وننقص2 ملعقة دقيق منه
خامات التزوييق
– شوكولاتة فارمسيل
– جوزهند ناعم
– جوزهند خشن
– الوان صحية
– شيكولاتة سايحة بيضاء
– شيكولاتة سايحة غامقة
– كرز مسكر
– فواكة مسكرة
– كور البونبون الفضى
– قشور اللوز
– مكسرات مفرية
– قرنفل صحيح
– فستق
– ملبس ملون
– صنوبر
– مربى
– حلوى الماء

اولا الكحك “الكعك” والمعمول

طريقة عمل كعك العيد كحك بطريقة زمان”الطريقة القديمة”

صور كعك ناعم p كعك ناعم

المقادير

واحد وربع كيلو دقيق
3كوب سمن
ملعقه صغيره رائحة الكعك
قطعة خميره بحجم عين الجمل
ماء دافىء للعجن
ذرة ملح
سكر بودره لتجميل الوجه

الطبخ

ينخل الدقيق مع الملح ورائحة الكعك ثم تعمل حفره فى وسط الدقيق
يقدح السمن ويصب فى الحفره ويقلب بمقصوصه حتى تهدا حرارته ثم يبس باليد

تسال الخميره بقليل من السكر والماء الدافىء وتترك لتخمر

تضاف الخميره الى خليط الدقيق والسمن ثم تعجن باضافة الماء الدافىء حتى تتكون عجينه متوسطة الليونه

تغطى وتترك لتخمر

تقطع قطع مناسبه(دوائر متساويه ويضغط عليها حتى تبطط قليلا)

ينقش سطحها برقه (بمنقاش الكعك)

تخبز فى فرن متوسط الحراره حتى تنضج ويصفر لونها

تترك لتبرد ويرش على وجهها السكر البودره
181 مشاهدة