كلمات اغاني اطفال قديمه


كلمات اغاني اطفال قديمه

صورة كلمات اغاني اطفال قديمه

صورة images

على عليوة ياللي
ضرب الزميرة ياللي
ضربها حربي ياللي
نطت في قلبي ياللي
قلبي رصاص ياللي
احمد رقاص ياللي
رقاص على مين ياللي
على شاهين ياللي
شاهين ما مات ياللي
خلف بنات ياللي
واخويا فيهم ياللي
بيعد فلوسه ياللي
ويقيد فانوسه ياللي.

فراشة حواء

هينا مقص وهينا مقص
هبنا عرايس بتترص
فيهم واحدة شامية
شعرها ضاني ضاني
لفيته على حصاني
وحصاني في الخزانة
والخزانة من غير سلم
والسلم عند النجار
والنجار عاوز مسمار
والمسمار عند الحداد
والحداد عاوز بيضة
والبيضة عند الفرخة
والفرخة عاوزة قمحة
والقمحة عند التاجر
والتاجر عاوز فلوس
والفلوس عند الصريف
والصريف عاوز لبن
واللبن عند البقرة
والبقرة عاوزة برسيم
والبرسيم في الجبل
والجبل عاوز عصافير
والعصافير في الجنة
والجنة عاوزة حنة
والحنة في ايديهم
يللا ندور عليهم
هينا مقص وهينا مقص

لاعبيني والاعبك
واكسر صوابعك
صوابعي لولي لولي
زي الشمعة البنوري
ماما جابت لي ايشارب حرير
نيمتني عالسرير
السرير طوح طوح
ما يخليش حد يروح
هنا مقص وهنا مقص
هنا عرايس بتترص
وادي الجنة وادي النار.

فراشة حواء

حادي يا بادي ياظهر النادي فكرك ايه؟
عمك شنطح جالك ينطح تديلة ايه؟
اديله قطفة .
تديله قطفة قطفة ايه؟
قطفة ماقطفة
فكرة وخاطفة
امال قولى لو انت يا خلى
عمك شنطح جالك ينطح تديله ايه؟
كان يا ما كان كان دلوقتى ولا زمان
ماهو دلوقتى زى زمان
كانو جماعة في ارض وسيعة
فيها طبيعة و
ناسها الصافيا
تروى الصحرا بعرق العافية
الارض الساكتة تبوح بساتين
الله الله قمح وياسمين
يا ما شاء الله والناس عايشين
بما يرضى الله

حلاقاتك برجالاتك
حلقة ذهب في وداناتك
يا حنتوسك يا فنتوسك
يجعل عمرك قد فلوسك
جاتنى الشمس وطالبة تبوسك
خجلة من ضى ابتساماتك
حصنتك ما تشوف الذل
بخرتك بخدود الفل
ورقيتك من عين الكل
النبى حارسك من عتاراتك
قلعتك حرز لبستك حرز
القامطة حرير والصوف على الشرز
قلعتك طاقة لبستك طاقة
وكتبت حجابك على وبر الناقة
يكفيك الشىء والعيا والضيق
وسكوت الناس وكلام العين
قلعتك قابة لبستك قابة
ابعد يا شطان وتعالى يا شابة
لفية وارقية واسهرى سلية
وفى برد اليل ضمية ودفية
قلعتك عافية لبستك عافية
ورميت هلاهيلك في المية الصافية
وغسلت ذنوبك وقريت مكتوبك
السعد مواعدك والهنا محسوبك
يارب يا ربنا يكبر ويبقي زينا
طق الودع سحر وبدع
سعد السعود في ارضنا ت
اتا تاتا خط العتبة
ودوس على كل العتب
والى انقرى والى انكتب
واسرح في نعمة ربنا
يارب يا ربنا يكبر ويبقي زينا
خد البشارة يا حسن
وافتحلنا الفال الحسن
وابعت على عيونه الوسن
نوم العوافى والهنا
نام نام نام نام وادبحلك برجين حمام
واعملك طاجن وبرام
واقعدلك سهران ما بنام
واغزلك زعبوط وحرام
واخطبلك بنت من الشام
واقطفلك ورد الاحلام
واكتبلك على الورد كلام
حسادك بايتين الليل
يتلو على نار الويل
سهرهم ودمعهم سيل
شتتهم لو جالك ميل
واتحصن منهم بالخيل
وملايكة شايلينك شيل..

فراشة حواء
  • اغاني اطفال
  • اغاني اطفال قديمة
  • اغاني شعبية
763 مشاهدة

كلمات اغاني اطفال قديمه

1

صورة فستان قصير للحفلات

فستان قصير للحفلات

صور فساتين سهره ازياء صيفيه ازياء حديثه ازياء جديده اجمل فساتين سهرة اجمل الازياء للسهرات. …